圈中好友挺身支持孟瑤：造謠者必受懲罰

曾與志偉合作的內地女星孟瑤在微博轉載志偉的聲明，並留言力撐：「力挺阿爸！認識曾生有十餘年～一直是我們非常尊重敬愛的長輩！！造謠者必定會受到法律的懲罰！！！」

導演鍾澍佳同樣轉載聲明，並留言：「認識他這麼多年，一直都感恩遇到這位恩師！敬重的是他的為人，他的善念，他的品格。也一直以他為榜樣學習中，哪怕學到他一半也于願足矣。」

佘詩曼力撐志偉，她說：「謠言止於智者，清者自清，我撐阿爸！」

錢嘉樂與老婆湯盈盈均表示對志偉百分百有信心，盈盈說：「我哋一定係百分百支持佢，我哋好認識佢為人，踩界嘅事佢係唔會做。」

身在內地的洪天明表示：「依家啲人作新聞嚟寫，我哋藝人好多時候身不由己。我哋明星足球隊鍾意踢波，但畀人講到咁，我覺得有證據就攞出嚟對質，如果唔係唔好中傷人，尤其依家好多人喺網上作出好多不負責任嘅指控。」

記者致電陳百祥，電話由其太太黃杏秀接聽，她說：「今次呢件事係網絡欺凌，要出嚟講清楚，我實撐佢！」她又表示沒有聽陳百祥提及此事。