梁靖琪護契老竇撐到底
曾志偉昨午在尖沙咀召開記者會，視他如「契老竇」的藝人梁靖琪（Toby），正好於較早時間在隔鄰的宴會廳出席劇集《無間道》記者會，她表示若得知志偉召開記者會，一定會留低力撐。問到志偉最近可有向她傾訴？Toby說：「我哋開心嘢先講嘅，佢係我契老竇咁，佢為人係點我好清楚，我點都撐佢，好多藝人都受謠言影響，都要靠身邊親人朋友支持，所以我哋一定會支持佢！」
另外，Toby透露在《無》劇飾演暗戀羅仲謙的正直女警，希望改變走入歧途的謙仔，角色性格敢愛敢恨，是她入行14年來最喜歡的角色。她很開心有幸與視帝羅嘉良參演同一部劇集，開工會留低欣賞對方演出：「好搞笑，佢角色成日嬲爆爆，鏡頭外我同謙仔會唱歌氹番佢。」