陳奕迅呷醋爆喊 要谷德昭錫番！
歌手陳奕迅（Eason）、谷德昭和劉浩龍等前晚在旺角出席新戲首映禮，Eason透露曾覺得擔任導演的谷德昭只照顧另一主角李榮浩，自覺被冷落，呷醋之下忍不住喊，谷德昭聞言即錫他面珠一啖！
Eason受訪時補充：「第一次喺鏡頭之外喊！好似扭計咁，未試過有咁深厚嘅感情！當時覺得自己做極都唔得，谷德昭又唔理我，我就叫停嗌休息同埋喊，場面都幾Odd（奇怪），可能年紀大咗感性啲，我呢個方式都幾弱質纖纖。」谷德昭則笑指自己其實愛Eason愛到入心入肺。
至於前來支持他們的金像影帝林家棟就指Eason的情況比較特別，自己試過太投入角色而無端端喊：「嗰排拍啲深沉角色，試過揸車都突然眼濕濕，拍喜劇嗰排就會無厘頭傻笑！」