蘇玉華唔拍劇改行拍MV
無綫新劇《平安谷之詭谷傳說》演員蘇玉華、龔嘉欣等前晚在尖沙咀齊齊飯局睇首播，眾人送上生日蛋糕為昨日生日的蘇玉華慶生，龔嘉欣還向壽星女獻吻。
蘇玉華透露男友潘燦良已經預備好慶祝節目：「佢話已經預備咗阿拉斯加皇帝蟹，梗係佢煮，我就做大爺等食。（仲有咩生日驚喜？）以往佢好多時都會花好多心思，我都好鍾意，不過話明驚喜，我梗係未知啦！」並透露近期上堂進修演技。
蘇玉華談到《平》是暫別之作：「我想畀番多啲自由度畀自己，消息出咗之後，多咗好多好特別嘅工作搵我，例如有位女歌手搵我拍MV。（TVB有冇挽留你？）我諗睇咗新劇嘅成績點先再算！」
龔嘉欣指因飯局約得急故不齊人，講到「少婦聯盟」只有她未有拖拍：「唔知點解我成日都係旺身邊朋友嘅桃花，連去年陪我一齊托桃花嘅助手都已經結埋婚，我花球都接過三次，希望今年都有靚桃花！（想爆『少婦聯盟』入面有人就快拉埋天窗？）唔係，佢哋點都會快過我，我等緊佢哋派利是！（陳凱琳結婚？）佢派開工利是都得啫！」