黃長興向高海寧求婚捱冷潛水20分鐘
藝人高海寧（高Ling）與黃長興昨日到大埔為新劇《BB來了》拍攝一場求婚戲，劇情講到長興向女方求婚但不慎將戒指掉落水，長興即跳入水中尋找，並要求對方若找回的話便要答應求婚，早已準備兩隻戒指的他最後求婚成功。
雖然天氣回暖，但長興在水中浸足20分鐘，又要潛水找戒指，認真辛苦。他落水前與高Ling接受訪問，坦言怕凍，獲太太貼心準備：「佢買定潛水衣畀我，怕我落水會凍！」長興又表示與高Ling已多次合作，首次演一對離離合合的情侶，笑言當正高Ling是女友，不怕太太呷醋，劇中他更會因分手借酒澆愁，自爆曾是現實中的經驗。
要男友送驚喜
高Ling則表示會因男士花心思準備驚喜而感動，早前慶祝30歲生日的她被問如何度過？她說：「同朋友食飯，上年開Party好開心，但今次要開劇，所以同唔同朋友分開食，都食咗幾晚。（同男友鄧智偉食邊日？）每一晚都唔同朋友喎！（有送禮物？）冇表示喎，冇收到禮物。」講到生日願望，高Ling說：「希望多啲機會拍劇，試唔同角色，我8月先再開劇，希望監製再搵我啦！（拎女配角獎？）今年朋友對我信心大好多，如果拎到獎就係鼓勵，要多謝導演、監製同咁多好對手。」
