鄧月平自爆遭靈體自出自入

鄧月平（Larine）、何紫綸（Ann）、陸詩韻及黃榕等昨日出席活動，Larine穿上大露背裝甚為吸睛，談到農曆新年，Larine竟表示會回鄉跟外婆學捉鬼！原因是最近她撞鬼，變男人聲同朋友講嘢：「最近我20歲生日（12月4日）前一日撞鬼，（靈體）喺我身體出出入入，當時我冇記憶，之後朋友同我講番，當時有一把男人聲同阿婆聲同我朋友講嘢，所以家人就叫我係時候學嚟傍吓身。」

病重用血驅鬼

Larine又透露自己14歲時已擁有預知及收到資訊的特殊能力，去年亦學過收魂魄的技巧，家族是做類似驅魔、捉鬼的事情。Larine又表示自小忌水，試過在荷花池旁被鬼掹腳推落河，要一早起床做法事，又試過病得很嚴重，外婆用自己的血幫她驅鬼，結果嘔了一些黑色物體。此外，Larine表示日前在台灣拍攝節目時有炮製美食給麥子樂品嘗，問可有機會發展？她說：「父女戀咩！撻唔着，我覺得佢好有爸爸感覺，我係比較鍾意神怪啲嘅男仔。」

鄧月平話被鬼上身，搞到斷咗片！	何紫綸（左）與陸詩韻交流扮靚心得。	黃榕性感打扮騷胸又露腿。

何紫綸按摩調情

至於Ann表示喜歡為老公噴香水，現時努力造人的她，旅行時更會為老公按摩增進感情。而作為女強人的陸詩韻直言不喜歡姿整男生，認為要有粗獷一面。

文：名人組