李佳芯母愛爆發 抱B硬晒軚
藝人李佳芯少有飾演人母，今次還要跟手抱嬰兒拍劇，她坦言BB身體軟綿綿故抱到「硬晒軚」。對於生B計劃，她表示要看緣分，又大嘆現處搏殺期，短期內難以組織家庭。已有一子的黎諾懿則表示想追多個小朋友。
藝人李佳芯於無綫新劇《BB來了》中做新手媽媽，昨晚她與黎諾懿於九龍城一間幼稚園為該劇拍攝外景，現場有逾10個小朋友參與拍攝工作，相當熱鬧！她受訪時直言接拍該劇開始識湊B：「戲裏面我同諾懿個B因為係成長期，所以要分別搵四、五個唔同年齡嘅小演員嚟演。之前我試過抱出世十幾日嘅BB，佢成身軟綿綿，我抱到硬晒軚！（諗住將來生幾多個？）睇緣分啦，以前好想湊『好』字，但依家仲搏殺緊，短期內好難諗組織家庭嘞，至少今年嘅工作都排到密麻麻。」又表示抱住BB拍鬧交戲時，自然會收細聲量，不想嚇親BB，坦言自己的母性很大。
BB先係「大佬」
諾懿笑言該劇的BB演員才是「大佬」，拍攝時偶有小演員情緒失控，已為人父的他出盡法寶充當奶爸負責安撫，他笑說：「拍嘅時候都好掛住自己個仔，但如果帶佢嚟只會添亂，佢開始識行嘞。（追個女？）係就最好啦，但點都會生多個，等小朋友第時有照應嘛。」又表示日前於荒山野嶺拍攝被狗追戲份，他笑指BB與狗都難受控，拍攝該劇難度頗高。
文：影視組