岑日珈驚揭愛犬慘遭工人剪J
「狗癡」岑日珈的兩歲大囝囝「喵喵」慘遭家傭用剪刀弄傷重要部位，痛得整晚哀鳴，令她心痛不已，連忙帶愛犬求醫急救。怒氣沖沖的她卻未敢將工人「炒魷」，怕她對其他六隻愛犬下毒手。
歌手岑日珈（Angie）家中養有七隻狗仔，前晚她突然上載一張愛犬「喵喵」的重要部位受傷相片，透露牠慘被家傭弄傷，引致紅腫發炎，令她心痛不已：「屋企工人無啦啦私自剪我家小狗喵喵重要部位，剪損咗，令到成個部位發炎、腫脹！整天不停叫，晚上又睡不到，不停叫，一定好痛。佢自己就一瞓瞓天光，咩都唔理，因為關門甚麼都聽唔到。我可以點做？我好嬲個工人，仲要一啲悔意都冇，做咗咁耐，從來未試過咁，突然剪我啲囝囝重要部位。」
家養三男四女 日日陪玩
Angie接受訪問時表示家中七隻愛犬，三隻是雄性，四隻是雌性，今次受傷的喵喵只得兩歲大。她指每日慣常跟愛犬玩一輪才瞓覺，但前晚反轉喵喵跟牠玩時，突然發現其重要部位損了，又紅又腫，附近位置似有被剪過的痕迹！由於照顧狗仔的工人姐姐已入睡，所以她不明所以，怎料翌日喵喵傷勢轉趨嚴重，大為吃驚：「個工人話見到污糟就幫佢剪，我都諗唔明點解佢會剪！我從來唔會叫工人剪毛，佢仲要剪損咗佢！直頭剪到佢嗰度啲皮損咗，係好危險，我即刻帶喵喵去睇醫生，醫生開咗抗生素、消炎藥同消炎膏，我仲要每日用針筒將消毒水幫喵喵清潔。」
敢怒不敢炒 驚搵其他狗洩憤
喵喵每晚都跟着Angie在房內睡覺，受傷後痛得不停叫、不停轉，搞到她都冇覺好瞓，她說：「我都唔知點樣可以令佢舒服啲！」工人姐姐整傷愛犬，Angie坦言感憤怒，但未敢即時解僱對方：「我唔敢突然炒佢，怕佢唔知會點，我仲有其他BB，最驚佢係搵我啲BB發洩！」目前，她交託另一工人負責照顧狗狗。
文：音樂組