甩拖後影壇見成績 鄧麗欣首封影后！
《第二十四屆香港電影評論學會大獎》昨日公布得獎名單，34歲女星鄧麗欣（Stephy）憑電影《空手道》，揮低劉嘉玲、周秀娜、衛詩雅等開齋奪「最佳女演員」，而71歲日本男星倉田保昭憑電影《蕩寇風雲》奪「最佳男演員」，而「最佳電影」由許鞍華執導的《明月幾時有》獲得，而張艾嘉憑自導自演的《相愛相親》獲「最佳導演」。
自與方力申分手後，專注拍戲挑戰更多不同類型角色的Stephy，終見成績，首膺影后的她受訪時難掩興奮，指電影導演杜汶澤告知喜訊時還誤以為講笑，證實後卻不懂反應：「多謝阿澤畀好多信心同信任我，到呢一刻我都好似發緊夢咁，只識講好開心，好多謝大會畀呢個鼓勵我，係一個好大嘅認同，希望之後大家能認識我更多，今次對我嚟講係一個開始，會繼續努力。」而阿澤指Stephy乃一直被外間低估的女演員：「好可能係因為以前作品冇機會發揮，但今次好僥倖能夠得到佢支持演出我部戲，證明呢個世界有實力，咩都可以解決到，希望佢往後有更多方面嘗試，畀觀眾知佢唔係一個唔識做戲嘅影后。」
同性密友發文恭賀
另外，Stephy的台灣同性好友鄧衍敏（小牛）亦透過社交網發長文恭賀，並以「好朋友」稱呼她：「在2018年剛開始就得知你獲得這麼棒的肯定，實在為你開心也同時自己好開心！『最佳女主角』你絕對值得擁有也謝謝評審們的肯定……她真的很用心，哈哈做甚麼事都很用心。」
倉田保昭做影帝
現身處東京的倉田保昭，表示收到消息十分高興：「一直都覺得冇乜緣分攞獎，今次攞到，全賴所有支持我嘅朋友，同埋香港嘅各位導演及工作人員。」