現年19歲的美國已故流行樂壇天王米高積遜（Michael Jackson，MJ）女兒巴莉絲（Paris Jackson），大前日拍片自爆遇竊！她在片段中爆晒粗指，前一晚遇上幾名人士在洛杉磯搭她的順風車，其中一名女子似「High大咗」。巴莉絲自言一片好心，除了將自己的襪讓給她着外，還到快餐店請他們食晚飯，怎料最後發現被該女子偷去現金卡！巴莉絲爆晒粗說：「呢個臭X偷X咗我張現金卡……我載你班友橫越洛杉磯而我就盡晒力去做個最佳Uber司機，雖然我唔係真正Uber司機。你就偷我啲嘢，老友，搞乜X！」