周柏豪完騷趕去吊威吔

周柏豪前晚在深圳舉行巡演,邀來同公司的師妹菊梓喬(Hana)做嘉賓,齊齊合唱《一事無成》。柏豪在演唱會上將《只有一事不成全你》獻給一位因腦癌病逝的歌迷,他說:「我去醫院探過佢、畀鼓勵佢,知佢病情好嚴重,但佢一直好勇敢,喺佢身上我學識咗用正能量心態面對好多嘢。佢臨走前同屋企人講,想着住我推出嘅品牌Tee同聽住呢首歌,所以今晚我唱呢首歌嚟紀念佢。」柏豪騷後返回酒店就立即執行李,幾乎冇瞓過就趕飛機到橫店繼續開工,他笑說:「一落機就去片場吊威吔!」