唐文龍虧欠舊愛窮到攬住死
近日憑無綫劇《溏心風暴3》再度人氣急升的唐文龍（Michael），日前接受電台節目主持梁泰來訪問。他透露初入行時與相戀6年的陳少霞戀情無疾而終，分手原因是他從台灣回港發展時，兩人少見面，加上年少氣盛時有拗撬，而主因是與迷信有關：「唔能夠唔信，我同佢一齊，佢父母身體變差，我事業都好似一路走下坡。」
「有下世就還畀佢」
他之後到內地發展，與拍拖7年的空姐女友同樣分手收場，他坦言不想拖累對方：「當時佢就快32歲，我就快40，又要去北京發展，睇唔到大家有將來，我經濟好唔掂，只會攬住一齊死！我成日同人講一生冇對唔住人，只欠咗佢，如果有下世，我就還畀佢。」
兩萬人仔助兄弟解財困
另外，提到與同性好友劉永健屢傳「HeHe情」，他表示連父親都曾致電問他是否「轉基」，亦擔心會阻礙他識新女友。問到雙方關係？Michael說：「係兄弟囉！」提到曾送上藏有一萬元人民幣的奶粉罐，助劉永健解困，他透露其實內含兩萬元人民幣，此舉只是體諒兄弟的難處。
文：音樂組