視后田蕊妮昨日出席商場活動，憑無綫劇集《迷》提名今屆視后的她坦言未有緊張，有獎當然開心，但相反也會繼續努力工作。阿田大讚一眾對手強勁，但較喜歡好友唐詩詠：「佢未拎過嘛！希望佢有好成績，都要有個獎，感情上年缺失咗，就喺事業上拎番囉。（介紹男仔畀佢？）佢使唔使呀？（傳佢同洪永城復合？）咁似電視劇o架！來來去去都係嗰個人，唔好喇啩！」
身形弗到漏的阿田，誇口指有意挑戰2018健美小姐：「着好少布嗰啲，如果40歲可以做件咁嘅事，對我人生真係幾大挑戰，但應該會嚇死老公。（佢畀你着咁少布？）到佢鍾唔鍾意咩？都娶咗返屋企，冇得彈返轉頭！」