Rosemary唔急造人40歲仲生得！
入行廿年的35歲名模Rosemary與老公Jason結婚兩年，共度八年光陰，她稱對於生育仍然計劃中，雖然Jason是家中獨子，更被奶奶催生BB，但Rosemary坦言未準備：「我唔會畀個時間表自己幾時生BB，40歲都仲可以生，要發生就發生。Jason父母想快啲，我有同Jason講叫佢哋唔好再畀壓力我，因為每次見面都會講，但我依家就習慣晒。」她表示現在工作行先，因有小朋友後生活就會改變。
學瑜伽冇鬧交
Rosemary大爆與Jason拍拖初期成日鬧交，並歸咎當時年紀細，覺得Jason太忙：「我一唔開心就會發洩喺佢身上，我要安全感，我要你話我知你愛我，我需要愛，我覺得佢唔夠愛我，佢成日都好忙，冇時間畀我，我知佢好努力想有個家庭，我學咗瑜伽後學識停一停，搵解決方法，依家我哋已經好穩定，過咗最辛苦時間。」
另外，Rosemary十分注重健康，不時調製健康飲品，加上近年茹素，亦希望感染老公Jason。
文：名人組
場地：好煮播Good Cook Channel