法國拍節目 麥凱程自信返晒嚟
藝人麥凱程（Alex）早前飛回家鄉法國為無綫拍攝旅遊節目，母語為法文的Alex坦言自信心返晒嚟：「因為我廣東話唔流利，所以今次返到法國講番法文，令我有自信心，再加上我哋去酒莊拍攝，學到好多嘢，了解多咗法國嘅文化。今次我做埋工作人員嘅翻譯同導遊，對我嚟講係個經驗，覺得自己廣東話有進步。」此外，Alex坦言雖然每日拍攝時間長達八至九小時，但並不覺得辛苦，反而感到開心又興奮，他說：「我拍得好開心，覺得公司送咗份禮物畀我，等我工作之餘仲可以見吓屋企人，走嗰陣屋企人都好唔捨得我。」
