張景淳隊幾杯咖啡加快轉數
藝人張景淳近日參演無綫處境劇《愛．回家之開心速遞》，飾演奸角「龔燁」以「笑面虎」形象示人，他直言角色甚有發揮空間：「我覺得自己做到奸嗰個感覺，雖然粉絲嘅聲音有好同壞，我覺得同呂慧儀鬥嘴好有火花，但佢反應好快，我次次開工都飲幾杯咖啡提神，加快轉數同佢對戲。」
張景淳過往飾演正派角色居多，問到會否擔心今次有反效果？他說：「唔會，可能大家睇完我做主持，夜晚又睇我套劇，咪有個平衡。暫時奸嘅角色係第一個，我好鍾意，有下過苦功諗點演繹。」除了拍攝《愛．回家》外，他表示正努力操弗為另一部劇集《十兄弟》備戰。