兼顧幕前攻商界蕊蕊開騷吸客
藝人蕊蕊近年攻入商界，繼早前開美人魚泳術學校，近日又投資五位數與朋友開Party Room，但她表示不會放棄幕前工作，認為兩項生意都剛好與本身演藝事業有關，故並非打算做女強人。此外，她更計劃在Party Room開小型音樂會谷宣傳。
蕊蕊近年百足咁多爪，除了開辦美人魚泳術學校外，早前又用五位數入股與友人開Party Room，實行殺入商界做老闆娘！問她為何今次選擇開Party Room？她說：「其實本身朋友搞開，我見佢個Party Room主題幾好，暫時香港比較少有，再加上呢個場嘅設施好啱我哋呢啲演藝朋友，所以入股同佢搞生意。」
親力親為搞宣傳
雖然蕊蕊只是老闆之一，但她親力親為負責宣傳工作，並會開辦小型音樂會做「生招牌」，她說：「諗住嚟緊搞個小型音樂會，睇吓有冇朋友一齊嚟玩吓。」問到現時轉向商界發展，是否打算做女強人？她笑說：「其實真係咁啱，美人魚同本身工作好接近，Party Room又係關音樂事，都離唔開娛樂圈。（減少幕前演出？）反而多咗噃，因為之前美人魚有電影合作，嚟緊會去拍旅遊節目。」
文：專案組
攝：吳文聰
場地：S-Beat Party Room