阮頌揚變身韓仔
藝人阮頌揚（Brian）近年踏入影壇，獲得不少演出機會，成為影壇新貴。近日Brian到了韓國旅遊兼拍攝新一輯造型照，有幸獲得韓國巨星李準基的形象設計師為其設計造型，十分興奮：「其實大學旅行嘅時候去過韓國，識咗當地SM娛樂公司嘅高層，所以今次就拜託呢位朋友去搵設計師，嚟到先知道係李準基嘅Stylist，見到佢嘅時候，我開心到成個人跳起呀！」
談到今次拍攝造型照的念頭，Brian透露將會到北京工作，希望拍攝一輯新的照片：「韓國嘅團隊做嘢好認真，每個細節都用心去做，今次覺得非常榮幸，又好期待，係個好特別嘅紀念。」
