胡渭康破格玩空中瑜伽

胡渭康相隔5年，將在今年再度舉行演唱會，雖然他坦言比起首次有經驗，但仍覺得既有壓力又興奮，他說：「因為一路都有好消息嚟緊，例如啲朋友落實檔期畀我，不定時收到好多街上朋友嘅祝福，大家都叫我Good Show。」

練到手掌起繭

胡渭康透露在演唱會中參與度甚高，除會向父母致敬外，更想加插空中瑜伽環節，帶來視覺上的新刺激，他說：「好多嘢都協調緊，都唔知得唔得，但依家我體力都要加操。（依家進度點？）未知，因為都係呢排同製作嗰邊開會傾，所以要去實行，真係要過五關斬六將，首先場館要過關。」為了有最佳演出，胡渭康自爆放棄了不少搵銀機會：「唔好話好多，但會揀嚟做。（盡量留喺香港？）盡量唔跑場，頂盡一晚做一個就算，想多啲精力做場騷。」他近日為演唱會更練到手掌起繭，但仍笑笑口指不介意。

對手起晒繭，心痛死粉絲啦！	胡渭康再開騷，相信粉絲都好期待！	胡渭康今次夠晒突破，個唱竟然表演空中瑜伽。

拍劇貴精不貴多

講到近年胡渭康自拍畢無綫劇集《愛‧回家之八時入席》後，就未有接拍新劇，他坦言角色可遇不可求：「好慶幸之前八時入席，個角色好似度身訂造咁，有時角色唔係你想有就有，不如貴精不貴多，今年都唔係主力拍劇，因為要做演唱會，但如果有好劇本我都OK。」

文：專案組

攝：張福宏