李旻芳教你整「溫泉蛋」Timing定成敗

Lucy自言從小到大都不愛吃飯，喜愛食西餐，特別是意粉，亦喜歡吃溫泉蛋，所以今次示範的「卡邦尼溫泉蛋意粉」就集合她兩大至愛！她表示準備了約兩人分量：「最啱二人世界！同埋最重要係西餐比中菜易煮，而且男友鍾意食，所以我都成日煮。」Lucy坦言卡邦尼與溫泉蛋不難食到，但煮溫泉蛋有一定難度，時間是成敗關鍵，秘訣是要準備冰水，而今次都算成功，煮出半溫泉蛋。

受母薰陶　中西餐通殺

愛下廚的Lucy不時上網看食譜，學整不同菜式，她自豪地表示最拿手煮意粉和煎牛扒：「唔好以為牛扒好簡單，要煎到好香同好食其實好難！我就有獨門秘方點樣煎，要啱啱好，三成熟，有啲香又唔燶，係我另一味鍾意嘅西餐。」雖然愛煮愛食西餐，但Lucy自小被媽咪灌輸中國菜知識，她說：「我媽咪係中菜高手，成日煮好多中國菜畀我食，佢仲教我煮客家菜同傳統菜，我識炆豬肉，豬肉缽我都識。」

Lucy教大家整溫泉蛋一定要準備冰水。	Lucy男友認真幸福，有個又靚又賢淑嘅女朋友。	點解Lucy個樣咁愁？想知就上東網睇《星級煮意》！

吳綺莉：爆香煙肉再落洋葱

「廚媽」吳綺莉見到Lucy的「卡邦尼溫泉蛋意粉」都覺得好味，但建議先爆香煙肉才落洋葱：「因為生洋葱可以殺菌，效果會更好！」

《星級煮意》先後邀得陶大宇、黃建東、陳嘉桓、陸浩明與女友、陳嘉佳、朱慧敏等亮相，其他名人藝人會陸續登場，示範不同菜式，又有專家提供煮食要訣，娛樂與資訊並重，大家可透過東網App或東網網頁收看。

卡邦尼溫泉蛋意粉

材料：蒜頭、洋葱、蘑菇、煙肉、意粉、淡忌廉、芝士粉1.先煮熟意粉

2.滾水煮蛋約六分鐘後即浸冰水，然後剝殼

3.炒熟蒜頭、洋葱、煙肉、蘑菇後，落200ml淡忌廉煮成白汁

4.將意粉及芝士粉倒落鑊撈勻，最後加上溫泉蛋

文：名人組

https://goo.gl/GywQDu