唐文龍：人情債一世還唔清！

香香在《溏心3》的苦情演出獲讚，同劇的唐文龍亦因與陳敏之譜不倫戀而爆紅！捱足廿多年的文龍終於捱出頭，原來他當年由四千幾蚊人工做起，要住千八蚊劏房，靠食快餐慳錢度日，如今有出頭天，不忘多謝當年共患難的兄弟曹永廉經常請他吃飯，身在北京的文龍說：「已經係90年代嘅事，好多藝人都有經歷，好懷念以前拮魚蛋、唱K嘅生活。最近因為《溏心3》而多咗人留意，我覺得自己好似副恐龍骨，畀人攞番出嚟考古咁！（點報答阿廉？）阿廉睇住我大，人情債一世都還唔清！」