Amanda S.癌父時日無多 男友捲糾紛 債主報警追數

Amanda S.的男友Sam所經營的服裝批發公司捲入財務糾紛，昨日十數名債主在律師陪同下前往其公司了解情況，並要求負責人當面對話，不過，公司職員表示會計部同事及負責人均不在場，並叫眾人自行報警處理，債主代表楊先生最後報警求助，未幾有數名警員到場了解事件。

男友冇問借錢

楊先生指負責人在2016年底到2017年期間，共拖欠十數間一直有合作的供應商巨額款項，他說：「我哋想知負責人到底去咗邊？我哋咁有誠意，好多人特登從內地過嚟，都係想負責人明確交代事件同還款確實時間，履行合約嘅細則。」

至於Amanda昨日現身護膚品活動，對於男友的公司發生財務糾紛，她表示並不知情：「我唔知，係上星期有記者同我講，我先知。」她稱不會過問對方：「佢唔講，我都唔好意思問。依家經濟唔好，我經常都聽人講，生意有問題。我唔知大生意係點做，我聽過好多出名做生意嘅人，都試過欠債幾億。（佢有冇問過你借錢？）從來冇，佢好紳士。（如果問你借，你會唔會幫手？）佢肯定唔會問。」

飛泰國陪爸爸

期間Amanda自爆父親病重：「因為我爸爸近來病咗，係癌病，已經時日無多，我諗Sam唔想我擔心，所以冇同我講。」她稱父親身在泰國，因為對方很喜歡泰國，想在當地度過最後日子：「11、12月我都去咗陪爸爸，最近返香港處理完私事，之後都會去泰國陪佢。」說時忍不住落淚。

文：名人組