陳慧珊為完整婚享硬拉老公出鏡

藝人陳慧珊（Flora）與老公鍾家鴻（Mike）、樂隊Mr.鼓手Tom及太太何思諺（Leanne）、前女騎師江碧蕙（Sherie）與新婚丈夫Jerome及兩對素人夫婦等，昨日到九龍灣出席ViuTV節目《周生生呈獻：婚姻五重奏》記者招待會。赴尼泊爾拍攝的Flora指當地物資不算豐盛，故特意帶同女兒去感受：「佢冇出鏡，但佢見到學校啲設施好簡單，就知道自己好幸福，又睇到當地人好開心、好感恩。」

在節目中「婚」享經驗的Flora坦言，與老公互相了解及支持，希望能鼓勵大家正面面對問題：「呢樣都係婚姻要做嘅嘢，婚姻最重要係承諾。如果無論如何都要一齊，中間過程係點，大家都會好開心。」說到Mike首次為節目出鏡，Flora認為有需要：「有啲嘢一定要兩夫妻一齊做，如果我單獨講就冇咁完整。」

鍾家鴻默默在台下撐陳慧珊，一貫低調作風。	鍾家鴻	《婚姻五重奏》邀請五對夫婦，分享對不同階段婚姻的感受。

Tom怕死 同老婆吵大鑊

至於到伊朗拍攝的Tom及Leanne透露出發前曾經爭吵，由於當地最近發生恐襲，Tom的隊友及好友紛紛叫他倆不要去：「佢哋話我仔細老婆嫩，去就不負責任。我諗咗好耐，真係有個嚴重性。」他曾提出改地方或延期，但愛旅行的Leanne卻不太擔心，笑言出發前朋友都擔心他們會死，自己亦想過要寫遺書。

結婚40載的何生、何太帶同兒子及孫兒出席記者會。	「環球情侶」Hiro及Nat到坦桑尼亞大談婚姻愛情觀與夢想。	Tom與Leanne到發生恐襲的伊朗拍攝，坦言諗過要寫定遺書！

提到兩人很早就結婚生子，Tom坦言兩人一直忙於工作，沒時間消化及討論這段婚姻，今次節目正好是個回顧機會，但又自言怕死：「我睇好多戰爭片，有好多想像，諗過如果當時有架車截停我哋，咁就完喇喎！」問到可覺得太太很任性？他笑言要「美化」去講，讚對方很「硬淨」：「如果唔係點樣廿幾歲生個小朋友出嚟？我哋經歷咁耐。」

文：音樂組

攝：秦健輝

《婚姻五重奏》

播出頻道：ViuTV99台

播出時間：1月14日起（逢星期日晚）

晚上9時30分至10時30分