提神都要講層次香香飲齋啡去水腫
藝人岑麗香（香香）昨晚與森美出席咖啡體驗活動，她透露向來喜歡飲齋啡，因能夠品嘗到咖啡的不同層次及香味，亦覺得有去水腫功效，但自言不懂沖調咖啡，只是早年拍攝無綫劇《貓屎媽媽》時，曾因角色需要而學過如何沖調咖啡，奈何至今仍未能成功於咖啡上拉花。
老公未試過手勢
問到老公強強可曾試過她沖的咖啡，香香笑說：「暫時未有，買畀佢就有。」至於會否想做咖啡店老闆娘？香香說：「我未必想做，但希望有朝一日喺屋企一個角落可以整個Coffee Bar，係一個好享受。」
神回「冇Lucky」之說
此外，香香早前與藝人泰臣拍攝「Lucky舞」宣傳廣告，被指掉轉來讀會變成「冇Lucky」，予人不吉利的感覺。香香表示未有留意報道，又笑指自己於外國長大，有另一種看法，她笑說：「我冇個『舞』字，係Lucky Dance。拍嗰時過程都開心，唔迷信就Lucky！好多朋友都睇咗，最緊要個訊息係正面，所以唔好誤會。」
文：影視組