王浩信上擂台打到江嘉敏趴地

王浩信曾於劇集《法外風雲》被謝雪心狂摑23巴，又在《名媛望族》被劉松仁連摑13巴，因而被封為「兜巴信」，沒料最近於新劇《兄弟》內，浩信又有被劇中女主角江嘉敏狂摑戲份！劇情講述他昏迷不醒，女方想藉掌摑刺激他，結果浩信於病床上硬食十幾廿巴，認真慘情。

「個個都話我欠打」

二人昨日再聚首開工，江嘉敏對於狂摑前輩浩信感不好意思，並連聲致歉，她說：「我不知幾緊張，覺得被摑嗰個，唔會有摑人嗰個咁緊張，但我去到最尾係出盡全力。」浩信自言經驗充足，故絕對受得起，又指若然留力便沒有效果。不過浩信昨日終於有仇報，與陳庭欣、楊明、江嘉敏等拍攝擂台戲，江嘉敏更接受金錢利誘與浩信對打，最終被打到倒地，面露痛苦表情，難得伊人照單全收，更搞笑說：「我諗好多人都等咗呢日好耐，佢哋個個都話我欠打！」而浩信亦忍不住指江嘉敏狂摑他的戲份殘忍，問到是否拍得很辛苦？他表示要做很多準備工夫：「好似動作同體能。（Fit咗？）依家身形比較接近拳手，以前健身感覺多啲，依家輕盈啲。」

王浩信一拳打落江嘉敏個頭，完全冇憐香惜玉。	王浩信大騷麒麟臂，睇到江嘉敏口擘擘。	陳庭欣講明不會陪楊明節食Keep Fit。

楊明Keep Fit騷肌

稍後會到菲律賓拍外景的楊明，透露有為騷肌場面Keep Fit，問到女友莊思明可有詐型或心痛？他笑說：「投訴同呵都有嘅！」庭欣就表示劇中要騷身段的演員已先後完成戲份，只剩下楊明，但講明不會陪對方節食：「我哋喺佢面前大魚大肉，食埋佢嗰份添！」

文：影視組