慫恿開心Share千嬅引人犯罪

楊千嬅前晚在演唱會換上黑色透視晚裝，扮相高貴的她走近台邊幫粉絲影相，有觀眾以為她與粉絲玩自拍，千嬅說：「佢哋唔係想我Selfie，係想我幫佢哋影呀！」令全場笑爆。千嬅在台上又搞笑問：「其實我係咪唔應該叫你哋放片上網？」台上結他手表示不可以，她笑到踎低邊說：「我仲成日放上網Share，依家公司話唔擺得就唔得，費事做史上第一個女歌手做完演唱會，因為盜版畀人拉咗，真係人生高峰。」除夕夜因為觀眾熱情加唱到超時，千嬅自爆受到責備，但前晚觀眾亦不肯離場，她再次「抗旨」派福利唱多首歌才完場。