藝人何廣沛前晚出席倒數活動，拖住何媽媽四出集郵，昨日再與謝東閔出席元旦活動，以歌聲迎接新一年。講到兩日都出騷，新一年應該不缺工作機會，廣沛表示希望有機會唱主題曲，能有自己的歌出騷表演。講到同場的東閔與緋聞女友朱智賢（朱朱）齊齊倒數，廣沛也有緋聞女友「朱朱」朱晨麗，他即借朱智賢避嫌：「係啦，我都想同朱智賢過！（同朱晨麗講咗新年快樂未？）我有喺IG公開留言o架，個個朋友都有留言。」
