歌手谷微昨日出席商場活動，她指前晚揸車時在吐露港發生意外，被尾隨的士撞到座駕車尾，最終報警及電召拖車到場，由於警方正處理案件，故不便多談。對於同公司的林師傑宣布求婚成功，笑指當晚師傑在眾人逼供下承認，谷微說：「聽講11月結婚，佢叫我哋到時人情大封啲，老闆畀咗好大勇氣佢，叫佢以愛行先。（歐陽巧瑩有咗？）唔係啦！（幾時到你？）我嚟香港兩年零桃花，所以呢樣嘢對我嚟講太早。」
