周柏豪搵人仔操Fit演孫悟空
歌手周柏豪、許廷鏗、組合Shine成員徐天佑和黃又南在除夕夜出席商場跨年倒數活動，柏豪受訪時透露將往橫店拍攝內地電影，做新一代「孫悟空」：「今次有啲緊張，因為呢部電影嘅班底全部都係過億票房同埋都係大前輩。（即係古裝戲？）係呀，早前有去試造型，自己都好期待，女主角就係張馨予。」又指會有很多打鬥場面，所以最近不斷操Fit自己及鍛煉體能，希望以最靚身形迎接新角色。
Shine畀驚喜粉絲
翻查歷任曾飾演孫悟空的藝人，包括張衞健、周星馳、李連杰、「宇宙最強」甄子丹及天王郭富城等，位位紅星，各人演出後均人氣更強，引來連番討論，未知男神柏豪會否因此突圍而出，成影壇新焦點呢？
同場的Shine表示2017年最難忘莫過於入紙6次申請紅館演唱會，最終成功，他們對此非常期待，透露會有額外驚喜給Fans，又說：「今年會專注做音樂，一直都畀人話我哋好少嘢（歌曲）。」
文：音樂組