田蕊妮被噓：我好堅冇喊！
無綫兩位「視后」田蕊妮與胡定欣除夕在尖沙咀為維港煙花倒數唱歌，田蕊妮勾起16歲剛入行在大型倒數活動上，被五萬多人噓爆的不快經歷，她說：「我好堅冇喊到。」當年上台被噓爆的她落台時卻贏得掌聲。
田蕊妮（阿田）與胡定欣、歌手陳潔靈、狄以達等在尖沙咀文化中心為《2018香港除夕倒數》唱歌助興，阿田為欣賞煙花的市民獻唱，卻勾起廿多年前被五萬多人噓爆的不快經歷！
要使晒40年賺嘅錢
阿田說：「嗰陣得16歲啱啱參加完歌唱比賽，喺維園代表亞視出席大型倒數活動。準備咗好耐係我第一個大騷，未上台已經畀現場五萬幾觀眾勁噓，因為當時啲歌手太勁，四大天王呀咁，隻手好震、好驚，但係我好堅冇喊，同自己講一係就返屋企，上去就要唱完首歌，當時阿媽陪住畀我好大信心，唱之前全場噓我，唱完聽到啲鼓勵掌聲。」
此樁往事沒有令阿田留下陰影，前晚做大型倒數表演時心情反而很興奮，她笑說：「希望喺2018年將我儲咗40年嘅錢使晒佢，未諗到做咩，講吓笑啫，最緊要係身體健康！」
胡定欣轉髮型有玄機
原本與陳展鵬合唱的胡定欣，因陳展鵬身體不適臨時缺席，令她要轉歌獨唱，定欣透露新年將挑戰首演舞台劇，剪短了頭髮的她自言中長度頭髮可包攬喜歡長髮或短髮女仔的男士市場。單身的定欣希望2018年緣分到，她笑說：「希望有個人出現畀人追吓、談吓情，唔好淨係工作，會持Open態度，順其自然。」問到是否擇偶要求太高？定欣笑說：「我咁嘅條件高啲都得啩！哈哈。」
文：影視組