林峯係咪男友？吳千語：好少見
吳千語和林峯屢傳「分訊」，早前林峯以「冇嘢講」回應分手，久未在港露面的千語前晚出席屯門「V city 除夕倒數派對」時，坦言兩人已有一段時間沒見面，更不肯確認林峯的「男友身份」，只說：「少見喇，畀啲空間我哋。」看來感情狀況岌岌可危。
千語聯同師弟栢天男、何雁詩、馬貫東、安俊豪、劉敬雯及張敬仁一同出席倒數活動，穿閃爆銀色裙的千語表示剛從橫店返港，翌日便飛返內地繼續拍劇。問到可有見男友林峯？千語坦言：「我都有兩個月冇返嚟。（兩個月冇見？）好似唔止，都有一段時間，連家人都冇時間見，太忙。」
「身邊冇出現富商」
談到兩人的感情關係撲朔迷離，千語說：「好似佢（林峯）咁講啦，間唔中有聯絡，知道大家好關注，一陣話結婚，一陣話生B。（你哋分手？）太多揣測喇，工作對我嚟講好重要，冇乜時間做其他嘢。」直接問她究竟林峯是否仍是男友？她竟未敢確認，只答：「少見喇，畀啲空間我哋。（有冇做啲嘢挽留感情？）順其自然，好多嘢好難講。」對於傳聞獲富商追求，她即澄清道：「我身邊冇出現過富商，呢個肯定。」問林峯可知她匆匆返港？她支吾以對說：「有提過呢個活動。（有通電話？）有傳短訊。」
張啟樂派避孕套「卡片」
Kawaii與張啟樂為活動擔任司儀，張啟樂表示記得去年在家中發呆度過除夕，慶幸今年能在工作中迎新年。最近擔任避孕套代言人的他說：「祝大家新一年『出入平安』。（朋友問攞試用裝？）做咗代言人之後，呢個日本牌子廣告商話我有需要可以隨時問佢哋，仲印咗我個樣做貼紙，貼喺盒面，所以我當卡片咁派畀朋友，避孕套就變平安符咁送畀大家。」此外，何雁詩表示和男友鄭俊弘各在不同地方倒數，但竟沒有商場邀請他們情侶檔出騷。她指2017年最開心是抑鬱症終於痊愈。
文：音樂組
攝：吳文聰