鍾嘉欣封囡囡做「愛神」
女星鍾嘉欣從加拿大飛返香港，前晚亮相大埔超級城「Afro Ken狂歡倒數迎2018」活動，獻唱多首歌曲。她表示首次與家人分開過新年，坦言老公有少少失望，但她也希望跟香港粉絲慶祝。
問到囡囡Kelly是否已取中文名？嘉欣指因老公不懂廣東話，她被委以重任，最終為Kelly取名「梁愛晨」，還有三重含意：「好多人封女仔做女神，所以佢係一位『愛神』，係愛嘅戰士；而愛晨即係愛日頭，希望佢做個好有生氣嘅女仔；再食多次字係Love God嘅意思。」
有指嘉欣已約滿TVB，即將離巢自組工作室，她否認說：「都係傳言，同TVB關係好好，但以家庭行先，做咗媽媽有少少懶，未係好積極咁搵方向，希望快啲決定好話畀大家知。」