孫慧雪「脹」爆行騷同張秀文鬥晒v
藝人孫慧雪和張秀文前晚齊齊谷胸迎接2018年，升呢人母的孫慧雪脹奶配以低胸長裙，現出脹卜卜的雙峰；秀文則低V大晒碗形胸，之後變裝黑色窿窿透視內裏黑色Bra Top及短褲，火辣迎接新一年！
孫慧雪、張秀文、韓星成勛、吳業坤、王君馨和岑麗香等，前晚亮相「上水廣場夢幻泡泡倒數派對」，與新鴻基地產代理有限公司租務部總經理鍾秀蓮，齊齊迎接2018年。孫慧雪和張秀文行Catwalk打頭陣，上圍逼爆的孫慧雪與低V秀文鬥波，阿雪說：「我生完後第一次行Catwalk。（上圍依家咩Size？）其實我生完後，手臂、Pat Pat、成個人都脹咗，依家130幾磅。之前試Catwalk衫，個V開到落肚臍，我真係Carry唔到，後尾個V改番上啲。（做咗媽咪收斂性感？）我冇去分，靚就得！」
秀文稱要令大家醒神：「我試衫時，件衫唔Fit，攞去改番窄，係窄咗呀，但個V大咗，我同阿雪着完都互望，仲影埋相，等大家2018年醒一醒神！」
成勛落Club體驗
同場的坤坤被眾女包圍爽到反眼，並盛讚大會安排：「除咗成勛同我，其餘嘉賓都係女性，好開心呀，我要影合照！（恭喜咗林師傑求婚成功？）起初我以為講笑，其實我都大個仔，要成熟啲！我見黃心穎同馬國明、黃翠如同蕭正楠情侶檔出活動，我都希望咁樣！（有對象？）尋覓吓！」
王君馨、岑麗香與成勛擺出韓劇愛的甫士，成勛透過翻譯說：「首次來港出席除夕倒數，感覺好溫暖！我會多留幾日，同《少林足球》嘅陳國坤見面，或者去Club參觀吓！」
文：影視組