克勤入行30年首封叱咤歌王圓夢

《2017年度叱咤樂壇流行榜頒獎典禮》昨晚隆重舉行，樂壇逾70名歌手出席，場面熱鬧。今年是李克勤入行30周年，剛「入五」的他曾自嘲年紀大，多年來亦知道自己的歌並非叱咤「杯茶」，今年在樂壇走勢強勁的他，憑大熱歌曲《失魂記》人氣上升，終於首度奪得「至尊歌曲大獎」，他感性說：「我嘅優點就係知道自己有好多缺點，我係80年代歌手，依家係2018年，要生存就要與時並進，要新嘅零件，就踢走唔需要嘅零件，多謝我嘅『神』馮翰銘，我哋心靈相通到衫同鞋都係同一個牌子，不過可能係我哋太太，我識啲咩Fashion啊！」

許廷鏗激動爆喊

許廷鏗奪獎一刻表現激動，欣宜送上擁抱，他忍不住哭起來。他喊住上台自責是個不識感恩的人，之前得唱片老闆寵愛，給他很大自由度，他說：「佢教識我最大嘅一課就係點樣同團隊合作。」又說自己是控制狂，會改變去享受音樂，他罕有地多謝屋企人：「我想講大家唔好以為睇牙好貴，其實要養一個小朋友做牙醫花費都唔少。」

Supper Moment（SM）、ToNick兩對獨立樂隊憑《靈感床》、《長相廝守》分別打入「叱咤十大」第三及第五位，SM說：「希望繼續做啲可以代表到香港嘅歌。」ToNick獲獎High爆，成員趙善恆致謝時激動說：「當初我哋盲舂舂咁入電台派歌，一路都喺度試，真係有好多人要多謝！」他們坦言在香港夾Band真的不容易，不過會繼續努力：「多謝大會令大家相信香港係有夢有希望嘅地方，希望之後再有作品感動大家。」

衛蘭贏得至尊唱片大獎，更首次成為叱咤歌后。	陳奕迅擔任表演嘉賓，令觀眾十分驚喜。	AGA以低胸裝上陣，成功突圍。

AGA憑《3AM》獲獎，她說：「第一次造R&B嘅歌，多謝公司同老闆畀我100%Free Spirit，我有好多Ideas，佢哋都好熱血幫我完成。多謝監製舒文陪我癲。」跟ToNick首次打入十大的，還有at17及李幸倪（Gin Lee），穿上黑色透視露Bra的Gin Lee領獎時說：「今次係入行以嚟首次奪得歌曲獎項，上年隻碟除咗生活上嘅體驗之外，係畀大家嘅祝福，我都係都市人明白到忙到不知幾點，希望新一年大家食得好，瞓得好，活在當下！」

李幸倪看似密實，實則透Bra極誘惑！	王菀之一身打扮充滿童趣，仲戴上王冠搶鏡。	側田贏得歌曲獎，興奮到高舉獎座。

at17：希望繼續辛酸

組合at17穿上印有當年出道模樣的Tee上台領獎，林二汶說：「呢個係我哋出道15年，我哋第一個叱咤歌曲獎，09年我許個願望，希望攞到叱咤十大，今日終於願望成真，做歌手辛酸、辛苦係責任，希望繼續辛酸落去，做到自己鍾意嘅事係福氣嚟！」盧凱彤多謝父母支持：「當年我哋喺黃金海岸唱歌得4個觀眾，佢哋攞住櫈仔嚟聽我哋唱歌，今晚台下就有咁多觀眾。」

已經多年沒有踏上叱咤頒獎台的側田奪歌曲獎時，有感時間過得很快：「有成10年都冇嚟，我走咗咁多年都咁支持我，多謝呢首歌嘅音樂班底，入面好多金句，『捱過杯葛方了解到需要知己』，多謝喺我低落時幫過我一把嘅人，真係好開心。」今年第三年上領獎台的吳業坤則說：「大家再畀多啲時間接受我嘅人同音樂。」

雖然未能打入叱咤十大，但衛蘭（Janice）以大熱姿態率先憑《Love and Other Things》奪得「叱咤樂壇至尊唱片大獎」，她上台時不停說其口頭襌「Oh My God」，又說：「唔知講咩好，真係估唔到，多謝公司畀我做呢隻大碟時嘗試唔同嘅嘢。」其大碟監製舒文踢爆Janice因不懂看中文字，被人誤會她「hea」，舒文維護Janice說：「每次錄音嗰陣佢會話畀一日時間佢，將唔識讀嘅中文字加拼音，佢係好勤力。」而出席的周柏豪、鄭欣宜則食白果而回。

文：音樂組