黃心穎：Timing唔啱

藝人馬國明與黃心穎前晚情侶檔現身「新港城中心．除夕倒數派對2018」，講到感情進度，馬國明卻忸怩指繼續了解中，對於有指二人已分手卻扮未斬纜，二人同聲否認，馬國明被問到可知心穎給予他多少時間了解？他尷尬表示未問過，心穎亦插嘴：「咁要睇吓我畀佢了解幾耐，依家欠一個啱嘅Timing！（話你有追求者？）自從2017年咁多佢（馬國明）嘅新聞後，相信都冇乜人夠膽出現。（係咪向馬國明派定心丸？）唔需要，佢應該對自己有信心！」活動上心穎單拖獻唱，卻失手入不到歌兼甩嘴，結果三次重唱並向觀眾致歉。馬國明則站於台邊作精神上支持。而曾於公開獻唱走晒音的李佳芯，前晚特別挑選穩陣歌曲，最終順利過關。