莊思明獻第一次

藝人莊思明及單文柔元旦到觀塘apm出席活動，思明透露除夕夜與大班朋友開派對：「我冇煮，走去買咗兩個雞煲返屋企一齊食。（聖誕、新年男友楊明有乜表示？）佢特登上網訂咗對獨角獸拖鞋送畀我，我好鍾意個公仔嘅，起初連招紙都唔捨得拆，佢以為我唔鍾意添。」問到如何「回禮」？她說：「我親手織咗條頸巾畀佢，仲等佢開工唔知道之下織咗幾個通宵，我孖生家姐見到仲笑我。（第一次織嘢畀人？）以前試過織畀媽咪，男仔就第一次。」她又於社交網上載前晚倒數照，楊明輕吻她的面頰放閃，但思明揚言無意短期內結婚。