楊千嬅拉鏈卡心口嗌好緊

天后楊千嬅在紅館舉行跨年騷，每晚出動不同新衫見歌迷，但到前晚第四場卻遇上小意外，她想拉開軍綠色外套的拉鏈，但拉鏈卻卡在胸前位置，令她大呼尷尬：「死喇呢次，幾十萬卡住！」然後處之泰然地繼續唱歌，唱畢她笑言胸部好緊：「好尷尬呀呢個位！」台下歌迷大叫：「拉開佢！」千嬅坦言自己都想拉開，可惜拉不到：「你唔見我卡住咗咩？一陣間都唔知點除添o架？係咪要攞啲蠟？」又大嗌好驚，不想一輩子不能脫掉這件外套，其後只好繼續唱《假如讓我說下去》。