講起王菲甜到漏 霆鋒：我哋日日都係節日！

謝霆鋒昨午由北京返港，現身機場時心情大好，並祝記者聖誕快樂，問到有否陪女友王菲過節？他說：「我哋日日都係節日。（有冇見小朋友同送禮物？）唔話你知！」對於外傳其父謝賢與女友CoCo分手，霆鋒擰頭表示不知情，又指聖誕期間未有與謝賢聯絡，不過稍後定必相約對方：「梗係會，一定見。（會安慰佢？）唔使啦，佢咁大個人。」

除夕開工 願望不變

霆鋒透露剛出席完吳君如新片在北京舉行的首映禮，問到有否去聖誕派對？他說：「我唔去Party，我日日都係節日。（除夕點過？）除夕？咩嚟？年年都係咁過啦！」又指廿多年來都是同一個新年願望：「都係希望自己不斷進步。」再追問除夕是否要工作？霆鋒點頭默認。

提到《鋒味》第四季中，「素食女王」Daphne拒絕煮肉而被Foul，霆鋒表示不會再作回應：「喺節目度講晒，我其實絕對支持任何習慣，但呢個係比賽，而且會喺世界各地搞，規矩唔係由我定。（會聯絡Daphne？）個比賽仲進行緊。」又表示最後一場比賽將於下月七日在北京新搭建的實驗室舉行，屆時最後三強會爭奪180萬元獎金。

文：影視組