陳欣健被嘲多情警司為女賊心動？

在娛樂圈41年的Philip前晚開處男騷，吸引圈中好友胡楓、汪明荃、許冠文、薛家燕、楊受成夫婦、盧冠廷夫婦等捧場。Philip一身禮服Look出場，感謝大家讓他圓夢，令72歲的他知道人生真諦是「只要夠長命，乜都會發生」。

神槍手先係英雄

一眾嘉賓包括陳潔靈、梁漢文、車婉婉、胡琳及李思捷等相繼登場獻聲，其後Philip自爆當年做警司，處理1974年寶生銀行的挾持人質劫案時，並非由他制服劫匪：「當時係我代表警方同傳媒溝通傳話，第一個衝入銀行嗰個唔係我嚟，其實係政治部嘅神槍手先啱，當時有人質走出嚟，神槍手就有啲猶疑，個外籍警官就一腳伸咗佢入去，所以當年嗰個英雄唔係我嚟。」

Philip稱很享受11年的當差生涯，並請了好友許冠文上台解畫他入娛樂圈的真相，指對方當年勸他追夢才會快樂，許冠文笑言：「你嘅性格又多情，又心軟，又浪漫，點似做警察？見個賊靚女啲，你娶佢做老婆都似！」

陳欣健以制服Look現身，威風凜凜。	陳欣健重提當年寶生銀行劫案。	陳欣健在台上擁抱愛女。

感性多謝太太

Philip和兩個女兒合唱後，多謝患有輕微腦退化的太太尤情：「呢幾十年嚟好多人都換咗畫，但我身邊依然係佢，近兩年佢身體唔好，希望用我餘生再帶多啲快樂畀佢。」

車婉婉做嘉賓投入演出。	胡楓專誠捧老友場。	梁漢文落力獻唱，炒熱現場氣氛。

個唱尾聲請來Joe Junior、Anders Nelsson、Christine Samson、Danny Diaz演唱外，還請了台下的汪明荃、胡楓及盧冠廷上台唱出最後一首歌《Those were the days》。完騷後Philip接受訪問，他表示十隻腳趾企到好痛，又怕忘記歌詞，笑言緊張得驚到鼻哥窿冇肉！

文：音樂組

攝：劉智源