勇救朱晨麗撞到暈陀陀 伍允龍打到甩骹
伍允龍及朱晨麗（朱朱）昨日於將軍澳工業邨為無綫新劇《兄弟》拍攝一場撞車戲份，劇情講述朱朱駕駛私家車追賊，但被貨車撞到座駕打圈，而伍允龍即時英雄救美。
二人表示之前都有拍過撞車戲，故不感緊張。武打出身的伍允龍笑言原來即使在車廂裏，被撞時都會感到頭暈。他又透露日前拍攝一場動作戲時打到左手甩骹：「係舊患嚟，可能打嘅角度唔啱，搞到甩骹。開始拍之前都甩甩哋，之後啪番入去，但愈打愈腫。」他笑謂不想補拍，故忍痛拍攝。而朱朱則指自己於劇中的動作場面不多，伍允龍亦謂有教她動作的步法，令朱朱打起上來會更有力度。
操肌拍除衫戲
此外，伍允龍日前趁平安夜與好友安志杰及Jessica C.一家慶祝聖誕，笑指自己的腹肌消失。問到是否已完成所有騷肌戲份？他說：「一月去菲律賓都要拍除衫戲，但嚟緊會有兩個星期假，放鬆吓再操。」提到Jessica C.於平安夜宣布再懷孕，伍允龍自爆早已知道，雖然未知是兒子或是女兒，但希望可以上契。
文：影視組