羅仲謙讚隨和零架子
賀歲片為藝人帶來上位及搵銀機會，票房一旦熱賣，主演藝人必定再次人氣急升！趙麗穎主演、由鄭保瑞執導的《西遊記女兒國》將於明年2月大年初一上映，與天王郭富城、緋聞男友馮紹峰及型男羅仲謙合作，卡士強勁！
羅仲謙首度跟趙麗穎合作，對她有讚無彈，指對方工作態度好又專業：「佢係一個好專業同埋冇架子嘅藝人，平時待人都好隨和。」他又指趙麗穎年紀輕輕但處事成熟，不過對拍攝亦有一定要求：「佢對自己嘅演出好有要求，同時又會兼顧現場嘅氣氛，佢嘅氣度同埋見解已經超越佢嘅年紀！（覺得佢對香港女星造成威脅？）唔可以話威脅，係良性競爭，都係好事嚟。」