夏雨日前接受電台節目主持人梁泰來訪問，坦言當年和陳豪齊以《溏心風暴》角逐「視帝」，結果陳豪成為「雙料視帝」，令夏雨忿忿不平：「我花咗好多努力，劇集先有效果，甚至陳豪嘅喜劇表現都係我傳授，大部分嘅笑位都係我設計，最後套劇全組人都囊括所有獎項，惟獨我『斯人獨憔悴』，最後陳豪仲攞埋『最受歡迎角色』同『視帝』，係咪需要咁呢？」為此夏雨曾跟監製劉家豪表示拒再拍《溏心》續集。