千嬅打完側手翻 嗌轉工？
天后楊千嬅前晚在紅館舉行一連11場的《楊千嬅三二一GO!演唱會》頭場，除了造型上大突破染了一頭銀白髮外，唱《Wonder Woman》和《烈女》時，千嬅穿上黑色緊身假Deep V裝，一騷舞功兼展示操練成果，更打側滾翻和側手翻，她問台下觀眾：「係咪唔係你哋預期中睇到嘅嘢？（歌迷大叫跳得好！）咁我出年要轉工，跳得咁好嘅話。」
千嬅感謝歌迷讓她完成做跨年及三面台的夢想，能在她「22對」（44歲）生日前做到好開心，有很多感觸。歌迷提她「咪喊」，千嬅笑言：「叫我唔好喊，真心嘅？喊可以通鼻塞呀，你哋知唔知？」講到新髮型，千嬅說出道廿多年一直想漂白，現終於試了：「但都會保留少少紫色，到花甲之年我都會染啲紫色，因怕大家唔識得我。」
兒子有解憂力量
老公丁子高、兒子丁進諾（Torres）及父母都坐在台下支持，千嬅感謝家人時分外感觸，覺得要珍惜家庭，她還特別提到囝囝：「當我做到好攰時，阿仔會問媽咪你做乜，點解會着呢件衫？佢問啲問題好可愛，聽到佢把聲係有解憂力量。」個唱到11時，千嬅已唱了27首歌，但歌迷反應熱烈，她多唱了一首《少女的祈禱》，更打破常規將新歌放在壓軸演唱，為首場演唱畫上句號。
文：音樂組