鄧詠雪沙漠死火差啲失救
熱愛旅遊的藝人鄧詠雪（雪子）早前到埃及及杜拜拍攝旅遊短片，行程包羅萬有，包括去沙漠、水上樂園又出海。穿上泳衣晒身材的她全程High爆，擺出瑜伽動作外，又戴上美人魚魚尾留倩影：「今年飛咗20次，希望明年去多啲唔同國家，帶住條魚尾繼續遊世界。」
講到今次埃及遊歷，雪子表示在沙漠玩電單車，玩足三小時橫跨大片沙漠，期間發生驚險事：「行行吓架車死火，但其他人都駛走晒！我附近冇晒人，叫天不應咗十幾分鐘，好彩隊友發現唔見咗我，返轉頭嚟救我！」問到此行有否艷遇？雪子笑言在杜拜不停吼實附近有否油王：「朋友叫我去停車場撞油王，又討論邊啲個樣似，真嘅就撞唔到，但我網上有Tag杜拜呢兩個字，真係有啲個樣好似油王嘅男仔Follow我！」
