何廣沛「以身相許」呻朱朱唔肯收

何廣沛以為朱晨麗忙，結果錯失聖誕約會。

何廣沛與朱晨麗（朱朱）合作《超時空男臣》後不久便傳出緋聞，還被拍得約會的照片，但關係至今似乎陷入膠着狀態。朱朱昨日露肩兼露腰，與蕭正楠齊齊出席活動，席間自爆昨晚佳人有約，相約一班舊同學燒烤慶祝：「有男有女！（想識番個男仔告別Lonely Christmas？）我唔Lonely啊！不過我除咗工作就係工作，新年想返蘇州探屋企人就真嘅。」

被問到聖誕有否約埋緋聞男友何廣沛？她說：「我冇約佢，佢又冇約我！我好開心大家鍾意我哋喺《超》劇演一對，當初我同何廣沛都商量點樣可以處理好啲（感情線），拍吓拍吓三個月大家熟咗。（你哋分別入圍最佳男、女配角？）我會撐佢，而我對自己都幾有信心。」蕭正楠則表示開工關係未能歡度聖誕，談到女友黃翠如有節目，他即「葡萄」說：「佢玩得開心啲啦！（同佢交換禮物？）唔使交換，我都會送畀佢。（戒指？）大時大節唔嚇佢。」

朱晨麗見何廣沛零表示，轉約朋友過聖誕。	蕭正楠	蕭正楠在活動上一展歌喉，又與街坊玩遊戲。

希望約到食生日飯

至於何廣沛昨午與譚嘉儀到屋邨商場出席聖誕活動，被問到為何佳節不約朱朱時，他說：「佢都忙，早幾日喺公司見到，對上一次約佢都畀人影晒喇！如果佢得閒，都想約佢食飯慶祝佢生日。（送聖誕禮物畀朱朱？）冇喎！我自己想買對貴啲嘅波鞋畀自己，都未買。（你係佢最貴嘅禮物？）我想送，佢都未必肯收啦！」出發往活動時，何廣沛座駕與另一車輛發生輕微碰撞，幸好一口氣接了五個外快工作，可以幫補維修費用！

文：影視組