衛詩雅爭獎在望唔再驚青
藝人衛詩雅（Michelle）今年在演藝上有所突破，不但一口氣接拍十多部電影，在英皇電影《失眠》中更有亮眼表現，絕對有望入圍即將舉行的金像獎。入行快將十年的她受訪時坦言最近兩年在工作上好開心：「終於得到導演信任，肯畀啲唔容易嘅角色我嘗試，等大家都睇到我另一面。（覺得成個人升呢？）有好大嘅進步，個人冇咁驚青。」
喜獲導演認同
問有否想過獲獎，她直言有提名已很高興：「因為等於你嘅付出有人認同，覺得我真係識做戲喇。當導演剪完《失眠》後就話我可能得，仲諗幫我報女主角定女配角比較好，最後係打算報女主角，我初初好開心，但依家到提名期就開始有壓力。」逐漸打破自己框框的她謙稱尚有不少改善空間：「好想喺短時間準備下，做到長期做功課嘅效果，起初都以為自己處理唔到，但原來我可以同一時間拍三套戲，真係要對自己有信心。」
髮型：AnsonHo（pi4.hk）
場地：The Stadium Bar & Restaurant
文：影視組
攝：劉智源