G.E.M.交換禮物送烏黑素
歌手鄧紫棋（G.E.M.）前晚在內地大連開騷，當地氣溫只得-6度至1度，她仍抵冷先後換上紅色拋胸戰衣及露腰裝上陣，又戴上聖誕帽自彈自唱改寫了中文歌詞的名曲《Last Christmas》與粉絲同樂。
早前G.E.M.與好友開聖誕派對兼玩「Secret Santa」交換禮物，G.E.M.笑說：「我抽中送禮物嘅對象係返Office嘅朋友，我買咗條健身帶，但見到其他人嘅禮物後，發現自己嘅太小兒科，臨急喺屋企搵到盒頭髮烏黑素加碼，當個朋友收到份禮物就哭笑不得，要活動筋骨又要黑髮，係咪嫌佢老？」