JC報喜：我有咗呀！

29歲的混血名模JC昨日趁平安夜，在社交平台宣布懷第二胎，現時懷孕三個多月的她於聖誕樹前拍片表示：「老公安志杰（Andy）送咗耳環畀我，我有咗呀！」片中可見其肚子貼有紅色絲帶球，示意腹中的BB是一份聖誕禮物並留言：「Very grateful for my Christmas gifts！P.s not from Santa。（好感激呢份聖誕禮物！）」

未知性別

為怕BB小器，JC跟足傳統三個月後才宣布，並向本報透露：「我好開心同好興奮，未知BB性別，今次係預期之內，初期冇胃口，之前個肚都係扁，磅數少咗，今胎特別攰，12月個肚先脹脹哋，依家15周。」其經理人表示因為第一胎雙方家長都想見證，所以大女Tessa在美國出世，但今胎因應Andy的工作檔期，有機會在香港生B。

一家大細出巡的JC濕平期間，疑似孕吐。

凸點的安志杰陪老婆買營養食品補身。

JC去年三月誕下囡囡Tessa，現在1歲多，兩人今年十月於夏威夷舉行婚禮。JC坦言一直恨有第二胎，早排與Andy出席活動時，已揚言日日造人，仲話想造聖誕B，但原來當時已經有孕，可謂相當口密！日前着上鬆身衫、平底鞋的JC，偕Andy及Tessa齊齊外出濕平，買了大堆營養食品，眼見坐於BB車上的Tessa扭計，JC即使出「撒手鐧」拎手機開片給囡囡睇，令愛女乖乖坐定！

JC昨日上載短片報喜，更把包禮物用的絲帶球放於肚上。

曾自爆日日造人的JC與安志杰一直想追多個B。

文：名人組　

攝：追蹤組