英國一名兩歲男孩Edward Latter日前要求爸爸幫忙代筆寫信給聖誕老人，希望一周前被人偷走的狗仔能回家：「我今個聖誕只想要一樣禮物，就係我隻狗仔Morse可以返屋企，我全年都會好乖仔（口架）！」不少網民轉載消息，愛狗之人兼真人騷製作人Simon Cowell得知事件後亦大為感動，懸賞1萬英鎊（約10.44萬港元）幫助男童尋犬，Edward爸爸大讚他非常慷慨！
此外，28歲美國天后Taylor Swift亦有送暖行動，其忠實粉絲Stephanie撰文透露懷孕8個月時無家可歸，男友亦失業，她的母親私下向Taylor分享情況，希望她可以在女兒睇騷時予以鼓勵，Stephanie表示：「當日完騷後，Taylor帶我哋入更衣室，然後佢就同我講『Stephanie，你喺我人生中已有一段長時間，而你從來都冇要求過我做啲乜嘢。你可以搵我，我會幫你，但你冇咁做。你媽媽已同我講晒所有嘢。』Taylor話想退番當晚啲飛錢畀我，佢仲幫我哋買屋同BB所需物品，又同我講『我想你享受做女兒嘅母親，而唔係去擔心所有嘢。』我永遠愛佢！」Taylor慷慨解囊助歌迷解決困擾，實在令人暖入心！