董嘉儀過浪漫聖誕
網絡女神董嘉儀（LuLu）於今年聖誕節入廚跟大廚學整聖誕大餐，本身不擅於炮製西餐的她，今次從大廚身上偷師。講到最浪漫聖誕，她說：「幾年前聖誕節，男朋友同我講不如去歐洲過，當時以為佢開空頭支票隨便講吓，估唔到聖誕節一個禮拜，佢話訂咗機票同我去巴黎，呢個係我第一次踏足歐洲，所以係好難忘。（白色聖誕？）嗰次都近乎零度，冇落雪，但凍嘅感覺再加埋能夠同心愛嘅人一齊過，都係最浪漫嘅事。」
LuLu稱今年可能參加朋友派對，但不會做搞手。問到酒量如何？她說：「啤酒都可以嘅，依家有練吓酒量。（女仔練酒量安全啲？）都係呀！我通常飲酒都係同朋友一齊，有咩事醉咗都帶到我走。」
場地：Comma Restaurant（天水圍T Town）
服裝：I luv cary
